ಹುಬ್ಬಳ್ಳಿಯಲ್ಲಿ ಪಾಲಿಕೆ/ಸದಸ್ಯರ ಸೇರಿ ಹೆಸ್ಕಾಂ ಅಧಿಕಾರಿಗಳ ನಿರ್ಲಕ್ಷಕ್ಕೆ; ವಾಳ್ವೇಕರ್ ಗಲ್ಲಿಯ ಜನರಿಗೆ ಪ್ರಾಣ ಸಂಕಟ.
ಪಬ್ಲಿಕ್ ರೈಡ್ ನ್ಯೂಸ್ ಹುಬ್ಬಳ್ಳಿ
ಹುಬ್ಬಳ್ಳಿ; ಸ್ಥಳೀಯವಾಗಿ ಸಾರ್ವಜನಿಕರಿಗೆ ಸಕಲ ಸವಲತ್ತು ಸೇರಿ ಮೂಲಭೂತ ಸೌಲಭ್ಯಗಳು ಸರಿಯಾದ ಸಮಯಕ್ಕೆ ಸಿಗಬೇಕು‌ಅನ್ನುವ ದೃಷ್ಠಿಯಿಂದ ಬೃಹತ್ ನಗರಗಳಿಗೆ ಸ್ಥಳೀಯವಾಗಿ ಆಡಳಿತ ವ್ಯವಸ್ಥೆ ಇರುತ್ತದೆ. ಆದರೆ ಹುಬ್ಬಳ್ಳಿಯಲ್ಲಿ ಸ್ಥಳೀಯ ಆಡಳಿತ ವ್ಯವಸ್ಥೆ ಸೇರಿ ಪಾಲಿಕೆ, ಹೆಸ್ಕಾಂ ಅಧಿಕಾರಿಗಳ ನಿರ್ಲಕ್ಷ್ತ ಎಷ್ಟರಮಟ್ಟಿಗೆ ಇದೆ ಎನ್ನುವುದನ್ನು ಇಲ್ಲಿ ನಾವು ನಿಮ್ಮಗೆ ಬಿಚ್ಚಿಡುತ್ತೇವೆ.
ಇದು ಹು-ಧಾ ಮಾಹಾನಗರ ಪಾಲಿಕೆ ವ್ಯಾಪ್ತಿಯ ವಾರ್ಡ್ ನಂಬರ್ 64, ಇಲ್ಲಿಯ ವಾಳ್ವೇಕರ ಗಲ್ಲಿಯ ಸಾರ್ವಜನಿಕ ನಿಬಿಡವಾದ ಪ್ರದೇಶದ ತಿರುವಿನಲ್ಲಿ ವಿದ್ಯುತ್ ಕಂಬ್ಬದ ಪಕ್ಕದಲ್ಲಿ ಕಾಂಕ್ರೀಟ್ ಒಡ್ಡು ಇದೆ. ಇದೂ ಇಲ್ಲಿ ಸ್ಥಳೀಯವಾಗಿ ಓಡಾ ನಡೆಸುವ ಸಾರ್ವಜನಿಕರ ಪ್ರಾಣಕ್ಕೆ ಕುತ್ತು ತರುತ್ತಿದೆ. ಇತ್ತೀಚೆಗೆ ಎರಡು ದಿನಗಳ ಹಿಂದಿಯಷ್ಟೇ ಅಟೋ ಒಂದು ಪ್ರಾಣಿಕರನ್ನು ಕರಿದುಕೊಂಡು ಬರುವ ಸಂದರ್ಭದಲ್ಲಿ ತಿರುವು ತೆಗೆದುಕೊಳ್ಳುವ ಸಮಯದಲ್ಲಿ ಅಟೋ ಪಲ್ಟಿಯಾಗಿ ಮಹಿಳಾ ಪ್ರಯಾಣಿಕರಿಗೆ ಗಾಯಗಳಾಗಿವೆ.
ಅಟೋ ಚಾಲಕನ ತಪ್ಪು ಎಷ್ಟರಮಟ್ಟಿಗೆ ಇಲ್ಲಿದೆಯೋ ಅನ್ನುವುದಕ್ಕಿಂತ ನಮ್ಮ ಸ್ಥಳೀಯ ಆಡಳಿತ ವ್ಯವಸ್ಥೆ ಯಾವ ರೀತಿಯಾಗಿ ಕೆಲಸ ಮಾಡುತ್ತಿದೆ ಅನ್ನುವುದು ಇದು ಎತ್ತಿ ತೋರುತ್ತಿದೆ. ಸ್ಥಳೀಯ ವಾರ್ಡ ನಂಬರ್ 64 ಮಾಹಾನಗರ ಪಾಲಿಕೆ ಸದಸ್ಯರ ಗಮನಕ್ಕೂ ಈ ಸಮಸ್ಯೆಯನ್ನು ಸಾರ್ವಜನಿಕರು ತಂದಿದ್ದಾರೆ ಎಂದು ಜನತೆ ಹೇಳುತ್ತಿದ್ದಾರೆ. ಕೇವಲ ಸುಗಮ ಸಂಚಾರಕ್ಕೆ ಅಡ್ಡಿಯಾಗಿ ಸಾರ್ವಜನಿಕರ ಪ್ರಾಣಕ್ಕೆ ಕುತ್ತು ತರುವ ಈ ಒಂದು ಕಾಂಕ್ರೀಟ್ ಗುಡ್ಡಿ ಸರಿ ಮಾಡಲು ಆಗದ ಪಾಲಿಕೆ ಸದಸ್ಯರು ಹಾಗೂ ಹೇಸ್ಕಾಂ ಅಧಿಕಾರಿಗಳು ಇನ್ನೂ ವಾರ್ಡ ಮೂಲಭೂತ ಸಮಸ್ಯೆ ಪರಿಹಾರಕ್ಕೆ ಎಷ್ಡು ಒತ್ತು ನೀಡುತ್ತಾರೆ ಅನ್ನುವುದು ಇಲ್ಲಿ ತಿಳಿಯಿತ್ತದೆ.
ವಾಲ್ವೆಕ್ಕರ ಗಲ್ಲಿಯ ತಿರುವಿನಲ್ಲಿರುವ ಕಾಂಕ್ರೀಟ್ ಗುಡ್ಡೆಯ ಮೇಲೆ ವಿದ್ಯುತ್ ಲೈನ ವೈರಗಳು ಹೊರಗಡೆಗೆ ಕಾಣುತ್ತಿದ್ದು, ಯಾವ ಸಮಯದಲ್ಲಿ ಯಾರ ಪ್ರಾಣ ತೆಗೆದುಕೊಳ್ಳುತ್ತದೆ ಅನ್ನುವುದು ಸ್ಥಳೀಯರ ದೊಡ್ಡ ಆತಂಕವಾಗಿದೆ. ಇದಕ್ಕೆ ಸ್ಥಳೀಯ ನಿವಾಸಿಗಳು ಪಾಲಿಕೆ ಸದಸ್ಯರು ಸೇರಿದಂತೆ ಅಧಿಕಾರಿಗಳ ಹಾಗೂ ಹೆಸ್ಕಾಂ ಅಧಿಕಾರಿಗಳ ವಿರುದ್ಧ ದಿನ ನಿತ್ಯ ಹಿಡಿ ಶಾಪ‌ಹಾಕುತ್ತಿದ್ದಾರೆ. ಈಗಲ್ಲಾದ್ರೂ ಸ್ಥಳೀಯ ಆಡಳಿತ ವರ್ಗ ಎಚ್ಚೆತುಕೊಂಡು ಸಮಸ್ಯೆ ಪರಿಹಾರ ಮಾಡುತ್ತೋ ಅಥವಾ ಕಂಡು ಕಾಣದಂತೆ ಹಾಗೇ ನಡೆದುಕೊಳ್ಳುತ್ತೋ ಕಾದು ನೋಡಬೇಕಾಗಿದೆ.
